No Event found.

Novedades

  • Venres 22 de Marzo

    A eurodeputada galega Ana Miranda Paz visitou o noso colexio

    Aproveitando unha viaxe de traballo a esta cidade, a eurodeputada Ana Miranda Paz visitou o noso colexio e mantivo unha xuntanza coa Delegación arxentina da Fundación Galicia América. Nesta reunión coñeceu de primeira man, entre outros aspectos, os proxectos e as novas dinámicas de traballo que está deseñando o noso instituto. Ademais, a representante galega na Unión Europea entregou para a biblioteca do Santiago Apóstolo o libro “Golpes de luz”, obra de Ledicia Costas, autora referente da literatura galega actual a quen aprezamos moito dende aquel fermoso encontro que desenvolveu co noso alumnado no ano 2016.

  • Mércores 14 de Febreiro

    Preparando todo para o comezo de clases

    Ao longo da mañá de hoxe recibimos no noso instituto á Mg. Rebeca Anijovich, prestixiosa experta en educación que brindou unha capacitación centrada nos novos modelos de avaliación a todo o persoal docente do noso colexio.

  • Venres 22 de Marzo

    Proxecto “Quen somos?”

    As salas de 3 anos están traballando o proxecto “Quen somos?”. A través desta iniciativa buscamos propiciar o recoñecemento entre pares, xerar un sentido de pertenza e promover o desenvolvemento de habilidades motoras, sempre nun contexto de xogo e exploración. VIDEO AQUÍ

  • Martes 27 de Febreiro

    A rapazada máis nova principia as clases

    Hoxe pola mañá os nenos e as nenas de 1, 2, e 3 anos comezaron a súa actividade escolar. Recibidos por Daniela Maldonado, coordinadora do nivel Inicial do instituto, e acompañados polas súas familias accederon ao Salón de Hostalaría do Centro Galicia, lugar no que se desenvolveu o acto de inicio. A profesora Maldonado enunciou un cálido saúdo e animou a familias e alumnado a traballar en conxunto coa escola para xerar espazos de benestar e aprendizaxe constantes ao longo do ano. Xogos cooperativos e música que interpretou a profesora Rocío Dubuisson acompañada por coros, bailes e aplausos de todo o público foron algunhas das actividades deseñadas e que entusiasmaron a novos e non tan novos antes de achegarse ás salas respectivas. Benvidos/as!

  • Luns 26 de Febreiro

    Comezo do ciclo lectivo 2024

    Hoxe pola mañá principiamos as clases no noso centro educativo co desenvolvemento de dous actos institucionais de benvida. Logo da interpretación dos 3 himnos do noso colexio, a licenciada Julieta D´Angiolillo, directora dos niveis Inicial e Primario, agradeceu a confianza que as familias depositan no noso quefacer cotián e deixou constancia da “oportunidade de renovar as nosas esperanzas e aspiracións, de forxar novos lazos e trazar novos camiños en pos do coñecemento e crecemento persoal”. Asemade, fixo fincapé na importancia de “pensar estratexias pedagóxicas que involucren activamente aos estudantes no seu propio proceso de aprendizaxe” e afirmou: “Queremos que sexan protagonistas da súa educación, que se sintan motivados e responsables do seu propio crecemento intelectual e persoal”. Un pouco máis tarde, comezaron a actividade lectiva os nenos e nenas de 4 e 5 anos e os 2 grupos de primeiro grao de Primaria. A coordinadora do nivel Inicial, profesora Daniela Maldonado, saudounos trasladando a súa alegría polo entusiasmo que se palpaba no salón e animou a toda a comunidade educativa a xerar aprendizaxe nun ambiente san e confortable. Logo destas palabras, os estudantes encamiñaronse ás aulas acompañados das súas docentes e, nesta ocasión especial, tamén dos seus familiares. Pola súa….

  • Venres 1 de Decembro

    Campamento de 2° e 3° de primaria

    Os nenos e nenas de 2.º e 3.º grao do nivel primario gozaron dunha fermosa xornada en Ezeiza acompañados polos seus docentes. Video aquí

  • Mércores 27 de Marzo

    Día de la Memoria, la Verdad y la Justicia

    Conmemorando o Día de la Memoria, la Verdad y la Justicia –data resaltada no calendario oficial da Dirección Xeral de Educación de Xestión Privada– os cursos de 1.eiro a 4.º ano do nivel Secundario viron a película “Arxentina, 1985”. Asemade, 5.º ano percorreu o Espazo para a Memoria ex CCD “Vicerrei Cevallos”, actividade esta que estivo coordinada polas profesoras Natalia Narváez e Marta Villar.

  • Luns 4 de Marzo

    Secundaria inicia o curso

    O alumnado de Secundaria do noso instituto empezou o ciclo lectivo 2024. Antes do acto formal, que estivo conducido pola licenciada Lucía López, secretaria do nivel académico, os mozos e as mozas de 5.º ano, quen concluía a súa celebración do xa tradicional UPD (Último primeiro día), colmaron o ambiente de alegría e entusiasmo. Posteriormente, ingresaron as bandeiras de cerimonia, interpretáronse os himnos de Arxentina, España e Galicia e a licenciada Ángeles Sananez, reitora do nivel secundario do noso instituto, enunciou unhas palabras dirixidas a estudantes e familias. A reitora iniciou a súa alocución reflexionando sobre o sentido actual da escola: “Nesta institución consideramos que é fundamental recoñecer que a educación vai máis aló da mera transmisión de coñecementos. É un proceso de construción de habilidades, valores e actitudes que nos prepara para enfrontar os desafíos do mundo actual. Neste contexto, a idea de ´aprender a aprender´ cobra especial relevancia”. Citando a Alvin Toffler, engadiu: “O analfabeto do futuro non será a persoa que non poida ler, senón a persoa que non saiba como aprender”. Ángeles Sananez quixo tamén reforzar a transcendencia de preparar a cidadáns críticos e recoñecer a importancia de formar un consumo dixital consciente diante dos avances….

Canales de Video