Novedades

Luns 9 de Decembro

Peche do ciclo lectivo 2019 cunha mostra de obradoiros para toda a familia

O nivel inicial pechou as súas actividades con diferentes obradoiros que desenvolveu o alumnado perante as numerosas familias que acompañaron o acto. As exposicións presentadas foron:   -“Máscaras e colares”: Creación de máscaras e colares como manifestacións artísticas e culturais propias do continente africano. -“Cova das mans”: Unha viaxe ata o sur do noso territorio para coñecer a arte tehuelche. -“Semente”: Un dos trazos máis importantes da cultura de América. -“Pedras e artesanías”: Achegamento á arte sobre pedras e á creación de artesanías que utilizaban os comechingones, pobo orixinario de América. -“Tear”: O tear é evocador dos mitos orixinarios e representación da supervivencia no tempo. Un encontro entre o divino e o humano. -“Construción de instrumentos”: Confección de instrumentos que utilizaban os nosos pobos orixinarios e que nos permitiron achegarnos á súa música e cultura. -“Banda musical”: Logo da confección do instrumento, conxuntamos a nosa banda musical. -“Construción de Tótem”: Coñecemos a orixe e significado do Tótem. -“Meditación e mandalas”: Un espazo de relaxación para meditar e reflexionar. Parabéns aos nenos e nenas, ás súas docentes, ás directoras do nivel e ás familias por todo o apoio e traballo demostrado durante o ano escolar. Mais fotos aquí  

Xoves 26 de Decembro

María Rosa Lojo, membro de honra da Real Academia Galega

O pasado sábado, día 21 deste mes de decembro, a Real Academia Galega nomeou membro de honra á escritora e investigadora arxentina, María Rosa Lojo. O Instituto Santiago Apóstolo de Bos Aires recibe esta nova con moita ledicia pois, máis aló dos incuestionables méritos intelectuais, María Rosa é unha defensora do traballo que o noso instituto desenvolve e, co seu quefacer cotián, demostra que a marca “Galicia” está viva, que ten enorme potencialidade e que o patrimonio cultural galego sabe convivir nun plano de igualdade co resto do mundo diverso que nos acolle e enriquece. Máis información: https://academia.gal

Venres 22 de Novembro

Xaime Arias, xogador de Bolos Celtas no Centro Galicia

O pasado 21 de novembro recibimos na nosa escola a Xaime Arias, xogador de Bolos Celtas no Centro Galicia. Estivo conversando coas cativas e cativos de primeiro ciclo de Primaria sobre a procedencia ancestral deste deporte tradicional, as súas regras e moitas outras curiosidades. Grazas pola visita Xaime!…

Venres 6 de Decembro

Entrega de diplomas de 5° curso de bacharelato

O señor Embaixador de España na Arxentina, don Francisco Javier Sandomingo Núñez, presidiu a cerimonia de entrega dos diplomas que acreditan o remate dos estudos no nivel medio da 11.ª promoción do Instituto Santiago Apóstolo. O acto, conducido por Milagros Miño e Ignacio Pinto, alumnos de 4.º curso de secundaria, contou coa presenza do señor conselleiro de Educación da Embaixada de España, Matías Jiménez Ortiz, autoridades da Fundación Galicia América e representantes do Centro Galicia de B.Aires. Logo de entoar as letras dos himnos arxentino e galego e escoitar, entrámbolos dous, o himno de España, os presentadores describiron o 2019 coma “un ano cheo de experiencias, convivencias e aprendizaxes”. E engadiron: “Estamos nesta Bos Aires, capital cosmopolita aberta que se formou grazas a múltiples achegas culturais. Diversas realidades conxugadas entre as que Galicia xoga un papel preponderante. Por isto, temos orgullo como alumnos e alumnas deste o noso colexio de ser reflexo de esperanza e de sentírmonos arxentinos portando no noso corazón a Galicia e España”. Posteriormente, as profesoras Sandra Vásquez, Daniela Maldonado e Gladys Caldas dirixíronlles cadansúas palabras de saúdo aos mozos e mozas e recordaron múltiples anécdotas protagonizadas ao longo do seu paso pola nosa institución. O señor….

Luns 26 de Novembro

Luar na Lubre no Santiago Apóstol

Bieito Romero e Patxi Bermúdez, integrantes do grupo Luar na Lubre, visitaron o noso colexio na mañá de hoxe. Logo do fantástico concerto ofrecido no día de onte na Usina del Arte e grazas ás xestións desenvolvidas polo secretario xeral de Política Lingüística da Xunta de Galicia, Valentín García Gómez, o líder e fundador da excelsa agrupación folk galega dialogou co alumnado maior da institución que o agardaba expectante. Asemade, recibiu o agarimo de todos os mozos e mozas que lle interpretaron un ensamble musical dirixido pola profesora Julia Faletty baseado en temas do seu propio grupo. Ademais do anterior, Bieito e Patxi mantiveron un encontro cos membros da Delegación arxentina da Fundación Galicia América no que coñeceron a realidade institucional e interiorizáronse do traballo que o centro educativo leva adiante. Antes de marchar para Uruguai, onde teñen programado outro concerto, asinaron o libro de ouro institucional. MÁIS FOTOS AQUÍ