José Castro Navas, conselleiro de Traballo, Migracións e Seguridade Social de España na Arxentina visitounos.

Durante o percorrido que realizou polas instalacións do centro educativo coñeceu de primeira man o traballo pedagóxico que realizamos e afondou nos obxectivos fundamentais que perseguimos. Asemade, saudou a mozos e mozas de diferentes cursos que lle explicaron algunhas das tarefas diarias que realizan.

Posteriormente, mantivo un encontro con Manuel Peleteiro Pérez, presidente da Delegación arxentina da Fundación Galicia América, con Arturo Perez Domínguez, tesoureiro da antes citada fundación, e con Cristian Moares, secretario do Centro Galicia de Buenos Aires na que se avaliou a realidade institucional.

Finalizou o encontro deixando constancia do seu paso polo noso colexio no libro institucional de visitas.