O secretario xeral do Partido Socialista de Galicia–PSOE, Gonzalo Caballero, aproveitando a viaxe que realizou a Bos Aires, visitou na tarde de hoxe o noso instituto co obxectivo principal de coñecer os traballos que o Instituto Santiago Apóstol desenvolve a prol da defensa e potenciación do patrimonio cultural de Galicia.

No encontro que mantivo coa Delegación Arxentina da Fundación Galicia América, comprometeuse a apoiar o labor pedagóxico do centro educativo e animou aos máximos responsables da institución a seguir a liña trazada que, con certeza, xa está a producir froitos.