Nun marco incomparable, presidido polo mural de Luis Seoane, a reprodución da “A derradeira leción do mestre” de Castelao e o busto de Alexandre Bóveda, entre tantos outros obxectos de extraordinario valor histórico, inaugurouse a exposición Francisco Gil, o libreiro de Borges na Sala Luis Seoane do Centro Galicia de Bos Aires.

Coa intervención de Marta Villar profesora de galego e bibliotecaria do Colexio Arxentino Galego Santiago Apóstol e do Centro Galicia, Carlos Brandeiro, Director Xeral do centro educativo e Xan Leira, comisario da mostra e profesor do colexio, afondouse na traxectoria profesional e de dinamizador cultural de Francisco Gil. Ana María e Nora Gil formaron parte dos asistentes ao acto.

A exposición estará aberta de luns a venres de 14 a 20 hs.