Biblioteca Galega da Aula

Mar13

En 1° e 3° grado xa estamos experimentando coa Biblioteca Galega da Aula.

Moitas historias e aventuras nos agardan nos libros galegos este 2020!

Galería de fotos

Novedades

Inicial

Luns 2 de Marzo

¡Comezaron as clases!

Nun clima de alegría e máxima expectativa, o alumnado do nivel primario e os nenos e nenas das salas de 4 e 5 anos principiaron hoxe un novo ciclo lectivo no Instituto Santiago Apóstolo; curso este que se presenta cheo de novas propostas e iniciativas a prol do afianzamento do noso proxecto pedagóxico. Logo de entoar os himnos arxentino e galego e escoitar a melodía do himno de España, a profesora Julieta D´Angiolillo, directora dos niveis inicial e primario, saudou os alumnos e alumnas salientando que “son a alma do noso colexio, a forza que nos move e a razón principal do noso quefacer docente”. Engadiu: “Un novo ano escolar é unha nova oportunidade para crer como individuos e como comunidade, sempre coa esperanza de lograr os obxectivos e metas propostos. Cremos nunha formación non só centrada nas aprendizaxes académicas, senón moi especialmente na tarefa de afianzar a transmisión de valores e principios éticos e humanos”. Asemade, a directora saudou tamén aos profesores e profesoras instándoos a que “non perdan de vista o obxectivo do noso labor. Educar é unha tarefa que require talentos especiais, pois debemos ofrecer todo o noso amor por igual aos….

Institucional

Venres 11 de Decembro

A atleta galega Ana Peleteiro, Premio Rosa dos Ventos 2020

A atleta Ana Peleteiro é a galardoada neste 2020 co premio Rosa dos Ventos que cada ano concede o Instituto Santiago Apóstolo de Bos Aires. Os mozos e mozas do instituto galego da capital arxentina nada máis pechar a votación afirmaron: “Somos conscientes de que Ana recibiu moitísimos recoñecementos internacionais e o noso premio é algo moi pequeno se o comparamos con outros galardóns que logrou, mais está outorgado co cariño e o respecto por unha persoa que merece a nosa máis sentida consideración”. E engadiron: “Nunca veu ao colexio e este pode ser un motivo para que coñeza Arxentina e tamén nos coñeza a nós”. Por outro lado, na súa decisión, o alumnado subliñou “o compromiso que mostra a atleta na defensa da identidade de Galicia polo mundo adiante levando con orgullo a súa personalidade” e incidiu no seu “permanente compromiso co espallamento da realidade galega e a posta en valor que fai acotío da lingua propia de Galicia”. Asemade, os mozos e mozas resaltaron: “O ecoloxismo activo que defende e a defensa da muller e dos seus dereitos foron aspectos que nos congratularon e que fortaleceron aínda máis a nosa decisión”. O talante “sinxelo, agradable, simpático… xunto aos….

Primaria

Venres 13 de Marzo

8 de marzo. Día internacional da muller. De Bos Aires a Galicia

5.° curso Unha efeméride para conmemorar… O 8 de marzo de 1908, un suceso transcendental marcou a historia do traballo e da loita sindical no mundo enteiro: 129 mulleres morreron nun incendio na fábrica Cotton de Nova York, nos Estados Unidos, logo de que se declarasen en folga permanecendo no seu lugar de traballo. Procuraban unha redución de xornada laboral a 10 horas, un salario igual ao que percibían os homes que facían as mesmas actividades e mellorar as malas condicións de traballo que padecían. O dono da fábrica ordenou pechar as portas do edificio para que as mulleres desistisen e abandonasen o lugar obtendo como resultado a morte das obreiras que se atopaban no interior da fábrica. Ese mesmo ano, o 3 de maio, realizouse un acto conmemorativo do Día da muller en Chicago, preámbulo para que o 28 de febreiro de 1909, en Nova York, se celebrase por vez primeira o “Día Nacional da Muller”. Como traballamos? Lembrando aquel 8 de marzo de 1908, o alumnado de 5.° curso do nivel primario, acompañado pola profesora Denise, quixo recordar algunhas mulleres que fixeron historia, aquelas que hoxe en día nos deixaron un ensino e un dereito adquirido. “De Bos….

Secundaria

Luns 9 de Marzo

Comezo das clases no nivel secundario

Na mañá de hoxe, principiaron as clases no nivel secundario do noso instituto cun acto que contou coa presenza do presidente da Delegación arxentina da Fundación Galicia América, autoridades educativas, persoal docente e algunhas familias que desexaron compartir este inicio de ciclo lectivo. Logo de entoar os himnos arxentino e galego e escoitar entrámbolos dous o himno de España, o reitor do nivel medio, Juan Domingo Rodríguez, explicoulle ao alumnado a importancia de traballar nun clima de concordia a prol da adquisición de coñecemento e lembrou os cambios que se foron sucedendo na institución co obxectivo de adaptarse aos novos requirimentos que o alumnado precisa e que a sociedade da información demanda neste novo século.

Uncategorized @gl

Luns 26 de Novembro

Luar na Lubre no Santiago Apóstol

Bieito Romero e Patxi Bermúdez, integrantes do grupo Luar na Lubre, visitaron o noso colexio na mañá de hoxe. Logo do fantástico concerto ofrecido no día de onte na Usina del Arte e grazas ás xestións desenvolvidas polo secretario xeral de Política Lingüística da Xunta de Galicia, Valentín García Gómez, o líder e fundador da excelsa agrupación folk galega dialogou co alumnado maior da institución que o agardaba expectante. Asemade, recibiu o agarimo de todos os mozos e mozas que lle interpretaron un ensamble musical dirixido pola profesora Julia Faletty baseado en temas do seu propio grupo. Ademais do anterior, Bieito e Patxi mantiveron un encontro cos membros da Delegación arxentina da Fundación Galicia América no que coñeceron a realidade institucional e interiorizáronse do traballo que o centro educativo leva adiante. Antes de marchar para Uruguai, onde teñen programado outro concerto, asinaron o libro de ouro institucional. MÁIS FOTOS AQUÍ