O Instituto Santiago Apóstol recibe con fonda tristura a nova que dá conta do pasamento do escritor Xosé Neira Vilas, firme defensor do noso traballo e xeneroso amigo que sempre estivo ao noso carón, malia a distancia física que separan as dúas beiras do Océano Atlántico, para apoiar cantas iniciativas levamos adiante.

En abril do ano 2011 tivemos a honra de recibilo virtualmente nas nosas instalacións a través dunha videoconferencia na que o alumnado dialogou con el e aprendeu unha inmorredoira lección transmitida dende a grandeza silandeira do humilde.

Rescatamos da páxina da Editorial Galaxia aquel momento e compartímolo con todos vostedes co fondo sentimento de gratitude para don Xosé, deixando constancia que a súa pegada estará connosco sempre e que dende esta institución seremos fieis testemuñas da súa lección e seguiremos a construír Galicia alén de límites xeográficos intranscendentes para un pobo universal.

Grazas. 

http://www.editorialgalaxia.com/weblog/?p=10360

http://www.editorialgalaxia.com/weblog/?p=10364

Artigo de Manuel Rivas

Artigo de Víctor F. Freixanes

Máis información:

http://www.fundacionxoseneiravilas.com/portada.php

http://www.aelg.org/centro-documentacion/autores-as/xose-maria-dobarro-paz/paratextos/518/laudatio-doutor-honoris-causa-da-universidade-da-coruna