Visita do escritor Xesús Fraga
O escritor Xesús Fraga, un dos autores convidados pola Xunta de Galicia á Feira Internacional do Libro da nosa cidade, quixo visitar o noso instituto para manter un encontro co alumnado
maior do nivel secundario.
Nesta xuntanza, o novelista afondou nos datos biográficos e elementos narrativos que engloban o libro “Virtudes (e misterios)”, obra coa que obtivo o Premio Nacional de Narrativa de España o ano pasado.
O xornalista, redactor de La Voz de Galicia, relatoulle ao alumnado –a través do seu periplo vital– episodios que combinan aprendizaxes, soidades, amarguras e fortalezas nunha epopea emigrante familiar que poderiamos trasladar a tantas outras vidas anónimas que forzosamente tiveron que procurar alento lonxe do seu fogar.
Grazas, Xesús, polas túas atencións connosco.