O alumnado de 5.º grao do nivel primario empregou por primeira vez o novo laboratorio do sexto andar da escola para experimentar as relacións entre os materiais e a calor.

Repasaron as normas de seguridade que se deben ter presentes dentro dun laboratorio, tomaron rexistro das súas hipóteses, os resultados parciais e as conclusións da experiencia. Asemade, manipularon termómetros, vasos de precipitado e observaron o xeito no que cómpre utilizar os chisqueiros con precaución.

Encantoulles este primeiro encontro coa ciencia entre as mans e volverán moi pronto por máis experimentos!.