Cando traballamos por proxectos compartidos con outros graos, comezamos a mirar o mundo doutro xeito. Todo se resume nun mesmo obxectivo. As distintas miradas enriquecen o noso mundo.

Comprometémonos a traballar en equipo e iso supón unha mirada cómplice, de construción comunitaria. Buscamos o diálogo de xeito constante. Buscámonos para acordar, pensar, discernir, construír, crear, aprender. Queremos aprender facendo, sendo, crendo.

Por este motivo pensamos distintos espazos desde onde articular interdisciplinariamente e intervir naquelas situacións e realidades que nos conmoven, nos tocan, nos mobilizan e nos axudan a crecer.

Da man dos poemas, da exploración da linguaxe poética, os rapaces e rapazas aprenden a descubrir e a construír novos sentidos, a mergullarse en orixinais relacións de significado, a dicir de xeito diferente o que soñan, o que os obsesiona, o que lles falta…

Combinar actividades de lectura e de escritura permite que os mozos experimenten coas palabras, co ritmo, e que descubran combinacións novas para expresar o que pensan e senten.

Escribir con outros, revisar en conxunto un escrito grupal ou individual e discutir a necesidade de engadir ou substituír unha determinada expresión, son quefaceres do escritor que só poden levarse a cabo conversando cos demais. A comunicación oral resulta imprescindible.