Novamente, o nivel Secundario participou do concurso “Novos lexisladores”, que pertence ao programa “A Lexislatura e a Escola” desenvolvido pola Dirección Xeral de Xestión e Participación Cidadá da Lexislatura da Cidade Autónoma de Bos Aires.

O obxectivo o proxecto céntrase en promover e incentivar a participación dos mozos e mozas na tarefa lexislativa para afianzar os seus valores democráticos e republicanos mediante a elaboración de proxectos de lei.

Coordinados polo profesor Claudio Griguol, no marco da materia Formación Ética e Cidadá, o alumnado de 3.eiro ano elaborou e presentou o Proxecto de lei “Programa de educación viaria no sistema de educación formal da Cidade Autónoma de Bos Aires”. Nel propúxose a creación dun Órgano de Control que facilite o desenvolvemento curricular para o ensino da Educación Viaria nas escolas do nivel Primario e Secundario co obxectivo de contribuír no cumprimento efectivo da Lei 2797.

Excelente experiencia para o exercicio do debate de ideas xunto a outros estudantes de escolas vinculadas ao ámbito do Goberno da Cidade de Bos Aires. Felicitamos aos nosos alumnos e alumnas polo seu destacado desempeño.