3.° B de primaria: A importancia do traballo en equipo a través dun xogo

Xuñ03

Traballamos a importancia do traballo en equipo a través dun xogo e coas reflexións que xurdiron construímos entre todos o camiño a seguir pensando nun mundo mellor, máis amable e máis xusto.

Aprendizaxe e diversión da man!

Galería de fotos

Novedades

Inicial

Venres 22 de Marzo

Proxecto “Quen somos?”

As salas de 3 anos están traballando o proxecto “Quen somos?”. A través desta iniciativa buscamos propiciar o recoñecemento entre pares, xerar un sentido de pertenza e promover o desenvolvemento de habilidades motoras, sempre nun contexto de xogo e exploración. VIDEO AQUÍ

Institucional

Venres 22 de Marzo

A eurodeputada galega Ana Miranda Paz visitou o noso colexio

Aproveitando unha viaxe de traballo a esta cidade, a eurodeputada Ana Miranda Paz visitou o noso colexio e mantivo unha xuntanza coa Delegación arxentina da Fundación Galicia América. Nesta reunión coñeceu de primeira man, entre outros aspectos, os proxectos e as novas dinámicas de traballo que está deseñando o noso instituto. Ademais, a representante galega na Unión Europea entregou para a biblioteca do Santiago Apóstolo o libro “Golpes de luz”, obra de Ledicia Costas, autora referente da literatura galega actual a quen aprezamos moito dende aquel fermoso encontro que desenvolveu co noso alumnado no ano 2016.

Primaria

Mércores 3 de Abril

5.º grao na área de Ciencias Naturais

Compartimos a experiencia dos mozos e das mozas de 5.º grao na área de Ciencias Naturais. Empregando o microscopio, realizamos observacións dunha pinga de auga de floreiro no laboratorio. A lente de aumento empregada foi de 10X.10X. Con ela puidemos coñecer estes minúsculos seres vivos. Que fascinante este mundo en miniatura! VIDEO 1 VIDEO 2 VIDEO 3

Secundaria

Mércores 27 de Marzo

Día de la Memoria, la Verdad y la Justicia

Conmemorando o Día de la Memoria, la Verdad y la Justicia –data resaltada no calendario oficial da Dirección Xeral de Educación de Xestión Privada– os cursos de 1.eiro a 4.º ano do nivel Secundario viron a película “Arxentina, 1985”. Asemade, 5.º ano percorreu o Espazo para a Memoria ex CCD “Vicerrei Cevallos”, actividade esta que estivo coordinada polas profesoras Natalia Narváez e Marta Villar.

Uncategorized @gl

Luns 26 de Novembro

Luar na Lubre no Santiago Apóstol

Bieito Romero e Patxi Bermúdez, integrantes do grupo Luar na Lubre, visitaron o noso colexio na mañá de hoxe. Logo do fantástico concerto ofrecido no día de onte na Usina del Arte e grazas ás xestións desenvolvidas polo secretario xeral de Política Lingüística da Xunta de Galicia, Valentín García Gómez, o líder e fundador da excelsa agrupación folk galega dialogou co alumnado maior da institución que o agardaba expectante. Asemade, recibiu o agarimo de todos os mozos e mozas que lle interpretaron un ensamble musical dirixido pola profesora Julia Faletty baseado en temas do seu propio grupo. Ademais do anterior, Bieito e Patxi mantiveron un encontro cos membros da Delegación arxentina da Fundación Galicia América no que coñeceron a realidade institucional e interiorizáronse do traballo que o centro educativo leva adiante. Antes de marchar para Uruguai, onde teñen programado outro concerto, asinaron o libro de ouro institucional. MÁIS FOTOS AQUÍ