O noso instituto recibiu a visita de Francisco Bernal e Natalia López, que viñeron presentar ao alumnado de 6.º e 7.º cursos do nivel Primario o proxecto que desenvolve a Consellería de Educación da Embaixada de España en Arxentina “Antártida Educa va al cole”. Esta iniciativa pretende contribuír no coñecemento e conservación do sitio máis virxe e inhóspito do noso planeta e transmitir á mocidade a importancia da preservación desta marabillosa e descoñecida realidade.

Durante a súa exposición, salpicada de numerosas e interesantes preguntas dos mozos e mozas, explicaron as características do continente xeado, a súa orografía e as particularidades e retos que presenta. Asemade, resaltaron o marco incomparable que supón para a investigación científica e a cooperación internacional.

Máis información: www.antartidaeduca.com