Os alumnos e alumnas de 2.º ano e 3.eiro ano, acompañados polo profesor de Lingua e Literatura Castelá, Mauro Alfonso, presenciaron a adaptación que realizou a Compañía Porteña de Teatro Clásico de “La fierecilla domada” (The Taming of the Shrew, 1590-1592) de William Shakespeare no Teatro del Globo.
Este tipo de actividades garante aos estudantes un desenvolvemento lúdico-recreativo da súa educación literaria e fortalece os coñecementos a través da observación e a experimentación directa do feito estético-dramático.
Os obxectivos suscitados polo profesor Alfonso foron:
a)    Coñecer e valorar un centenario coliseo all´italiana (Teatro do Globo), que forma parte do patrimonio monumental da cidade.
b)    Gozar das virtudes estéticas desta obra do bardo isabelino.
c)    Apreciar as diferenzas entre o texto dramático e o texto espectacular dunha obra.
d)    Desenvolver as competencias de observación descrición e análise dos procesos, históricos, sociais e culturais manifestos na trama da obra.
e)    Participar dun debate crítico posterior á representación e producir apuntamentos, pequenos informes ou ensaios.