Unha Feira do Libro diferente. Porque escoitamos aos mozos; porque nos comprometemos cos seus gustos, as súas inquietudes, co que aman ler e escoitar. Por todo isto, este ano a Feira do Libro foi de misterio e terror. Tivemos monstros, pantasmas, obradoiros de enigmas, obras de teatro tenebrosas e visitas soadas como a de Norma Huidobro, recoñecida autora infantil e xuvenil. Aproveitando que na nosa biblio hai moito material dela, os mozos e mozas, empapados da súa lectura, sacáronlle moito zume á súa visita e preguntáronlle de todo. Trememos de medo e risa.
Celebramos a palabra e vibramos xuntos ante o logro doutro proxecto colectivo. A nosa feira estivo chea de misterio e terror… Para axudar aos máis pequerrechos a perder os medos e a mirar estes aspectos con humor… Para consentir aos máis grandes, xa que este é o seu tema preferido á hora de escoitar historias. E, asemade, tivemos relatos, obras de teatro e demais actividades que nos fixeron gozar, como nunca, o marabilloso do terror.
Ata a próxima Feira do Libro 2018 do Santiago Apóstol!