7° grao visitou o Polo Creativo do instituto

Feb28

Neste dinámico espazo coñeceron algúns dos modernos elementos tecnolóxicos que alberga, probaron os lentes de realidade virtual inmersiva e trataron de crear estruturas con bloques planos de madeira.

O profesor Germán Cantarella, coordinador do ensino con tecnoloxías dixitais do noso instituto, instruíu ao alumnado coa finalizade de iniciar un interesante proxecto de Streaming.

Continuamos traballando en conxunto para enriquecer as propostas construtivas en beneficio dos nosos alumnos e alumnas.

VER VIDEO AQUÍ

Galería de fotos

Novedades

Inicial

Mércores 5 de Marzo

Os primeiros días!

Arrincar os primeiros días de clases é sempre unha etapa chea de emocións e expectativas. Vivimos días cheos de alegría, abrazos e reencontros. Este arranque de clases é só o comezo dunha etapa chea de oportunidades para o crecemento persoal e académico. Aínda que cada inicio poida traer consigo incerteza, é tamén un espazo para novas ilusións e aprendizaxes compartidas que nos acompañarán durante todo o ano. Empurraremos con todo cara a este novo ciclo! VER VIDEO 1, AQUÍ VER VIDEO 2, AQUÍ

Institucional

Mércores 26 de Febreiro

Visita da señora directora xeral da DGEGP

Na mañá de hoxe, a licenciada Nora Ruth Lima, directora xeral da Dirección Xeral de Educación de Xestión Privada do Goberno da Cidade Autónoma de Buenos Aires, visitou a nosa escola. A prestixiosa investigadora percorreu algúns espazos da institución e dialogou dun xeito ameno con alumnado e docentes. Posteriormente, mantivo un encontro co equipo directivo do noso instituto no que coñeceu compracida de primeira man algunhas das actividades que desenvolvemos e aqueloutras que pronto se porán en marcha en pos da mellora educativa integral que perseguimos. Antes de retirarse, a directora xeral asinou o libro de visitas institucional. Vaian estas palabras para agradecer a súa xentileza e o apoio constante que dela e da DGEGP recibimos.

Primaria

Mércores 11 de Decembro

Exames Cambridge

Algúns estudantes do noso colexio renderon exames Cambridge como peche dun ano de traballo e compromiso. Alumnos de 3.° e 5.° grao presentáronse a render Pre-A1 STARTERS e A1 MOVERS. Os de 7° grao fixeron o propio co A2 Key e os de secundaria renderon B1 Preliminary e B2 First. Independentemente dos resultados (que esperamos ansiosos), este foi un desafío e unha gran experiencia para eles. Estamos moi orgullosos! Parabéns! — Cambridge exams Some students from our school sat for Cambridge examinations as a closure of their year of work and commitment. 3rd and 5th graders presented themselves to Pre-A1 STARTERS and A1 MOVERS, 7th graders did the same with A2 KEY, and secondary school pupils sat for B1 Preliminary and B2 First. No matter the results (which we are eagerly waiting for), this was a challenge and a great experience for them. We are really proud! Congrats!

Secundaria

Luns 9 de Decembro

O delegado da Xunta de Galicia en Arxentina presidiu a entrega de diplomas aos alumnos e alumnas de 5° curso de Bacharelato

O pasado mércores, 4 de decembro, o señor delegado da Xunta de Galicia en Buenos Aires, don Alejandro López Dobarro, presidiu a cerimonia de entrega dos diplomas que acreditan a finalización dos estudos secundarios da 16.ª promoción do Instituto Santiago Apóstolo. O acto, conducido por Catalina Álvarez e Santiago García, alumnos de 4.º curso do nivel medio, contou coa presenza do presidente do Centro Galicia de Buenos Aires, don José María Vila Alén; da secretaria da Delegación arxentina da Fundación Galicia América, dona Alicia García de la Fuente; do delegado de Cultura da Fundación Galicia América, don Fernando López Pereira e de directivos da institución, profesorado e familias. Despois de entoar as letras dos himnos arxentino e galego e escoitar o himno de España, os presentadores describiron unha das ideas que fundamentan o quefacer diario do noso instituto “Tecer fíos entre as dúas beiras do Océano Atlántico crendo nunha Galicia ampla, sen marcos físicos que a empobrezan é un obxectivo fundamental neste colexio que nos acolle. Traballamos, en fin, abrindo a xanela ao mundo con espírito de concordia, crendo na diversidade que nos enriquece e apostando por un xeito dinámico de entender o ser arxentino e o ser galego”. Posteriormente,….

Uncategorized @gl

Venres 20 de Setembro

FEIRA DO LIBRO 2024

Grazas a quen fixo posible a nosa feira do libro! Foi un evento máxico cheo de historias e creatividade. Gozamos explorando novos mundos, compartindo con escritores, narradoras e actividades literarias. Cal é o teu libro favorito? Agardamos os seus comentarios!