O 15 de setembro pasado tivemos a visita da Presidenta da Academia Porteña de Lunfardo Otilia da Veiga, quen tivo una cálida e entretida conversa cós alumnos e alumnas da secundaria.

Otilia da Veiga é filla de pai galego e no seu diálogo co alumnado salientou o vencello emocional coa lingua e cultura herdada do seu pai. Na súa intervención non deixou de mencionar as palabras de orixe galega que forman parte do lunfardo.

Ao pechar o acto, o Director xeral da institución Carlos Brandeiro na compaña do responsable do Obradoiro de Radio e TV escolar  Xan Leira, reuníronse coa invitada para intercambiar opinións sobre as actividades da Academia Porteña de Lunfardo e o Instituto Santiago Apóstol.